Подробности

Просмотров: 8

Бүгінгі таңда еліміздегі  білім беру жүйесінде болып жатқан өзгерістер болашақта білім деңгейі жоғары, ой-өрісі дамыған,  өз ойын  нақты, әрі еркін жеткізе білетін,  проблемалық мәселелерді шеше алатын және шынайы өмірге бейім жаңашыл ұрпақ тәрбиелеу бағытында болып отыр.  «Өрлеу» БАҰО» АҚФ «Ақмола облысы бойынша ПҚ БАИ» оқытушылар құрамы  облыс педагогтеріне  үздік білім беріп,  білім мазмұнындағы жаңартылған бағдарлама бойынша жаңалықтарды  айқындап беруде бар күш жігерлерін салуда. 

2020 жылдың 30 қараша мен 11 желлтоқсан аралығында  МДҰ тәрбиешілері

«Мектепке дейінгі білім беру мазмұнын жаңарту жағдайында әдістемелік  жұмыстарды  ұйымдастырудың педагогикалық аспектілері»  тақырыбы бойынша біліктілікті арттыру курсынан өттік.  Осы курс барысында  әр педагогтің нәтижеге  жету үшін  жағдайын жасады. Халықаралық, республикалық, облыстық, әртүрлі  байқауларға қатысқан педагогтар   іс-тәжірибелерімен алмасты. Жаңылсын Утегенқызы өз іс-әрекеттерінің нәтижелерін тек талдап  немесе сынақ түрінде  бағалап қана қоймай  өз шығармашылық  білім берудің жаңа сапасын қамтамасыз етті.

Жаңартылған білім мазмұнында оқыту тақырыбында  zoom платформасында дәрістер ғана тыңдамай, теориялық білімді практикалық жұмыспен бекітіп отырдық.

Білім шеті жоқ теңіз сияқты бірақ сонда да болса курс соңында біліміміз бір сатыға көтеріліп үлкен  әсерде болдық. Әрине, бұл жерде өзінің дәрісімен  біздің білімге деген ықыласымызды оятқан барлық  оқытушыларға алғысымыз шексіз.

Қорытыңдылай келе жаңартылған  білім беру бағдарламасы бойынша көкейге түйгеніміз: әрбір шәкірттің жүрегіне жол тауып, оның алға қойған жарқын болашаққа жету  мақсатына  мотивация бере білсек,  онда болашақ еліміздің ұрпағы білімді де,  білікті болып шықпақ. Осындай  іргесі мықты егеменді ел ұрпағын тәрбиелейтін біздер, тәрбиешілер үшін мұнан асқан  бақыт жоқ деп ойлаймыз.

Курс тыңдаушыларынан атынан

Көкшетау қаласы №5 «Қуаныш» балабақшасының тәрбиешілері